返回列表 發帖
我不明白,為什麼新政府入境處可以由75m改為95m, 成個設計改左,加多咁多層,而去到城規會可以咁快通過,但 ...
wantwings 發表於 2018-4-2 22:38



    其實將軍澳南每一個屋苑都有時租位,我冇記錯單單天晉3A已經有近200個時租位,parside都唔少。同埋運輸署都冇意見俾政府話車位唔夠。違例泊車是車主的僥倖心理,不是車位唔夠。所以最大的問題就是區議會同政府。

TOP

本帖最後由 wantwings 於 2018-4-3 09:52 編輯

回復 13# Kfc

搞清楚先,你系反對增加將南車位,定係反對公園下面起停車場先?定係如果系唔使加額外7年,你都反對先?

中環,銅鑼灣,金鐘等地價高,連整座停車場都會拆,賣地建商廈,而金鐘公園下面系有停車場。太古城系整個下面都係停車場。

那麼將南呢?你們先看看數據,wings2,3A,3B, parkside,嘉悅,capri,帝景灣,等等有幾多比外來人的車位?根據地契條款wor!依家有冇開放比人用?起初我以為wings2,3a,3B,oceanwings,等等有獨立停車場出入口,但竟然系冇,反而帝景灣系有。但我記得3a或3b停車場有一層寫明比商場使用,請問過了一年有沒有開放?

希望這裡的專業人士解釋一下及建議一下,有冇更好方法,唔好因為想家停車場就比政府話加7年就兇到。

大家請明白,有d野你依家唔做,第時做會好麻煩,正如裝修咁,早d決定拆牆/加電制,否則入夥想加就煩。

其實系政府座野係有車位,你地睇下數據,我唔記得,但應該只係比座野d人用。

之前比政府設計,竟然加埋籃球場,根本就唔夾整個歐陸風情高檔感覺,就算依家改都改得唔好la。

唉,你早整好,但眼怨,不如依家搞好d規劃,遲d靚d。

題外話,依家有小朋友d家庭可以去單車公園玩住先,因為7年後小朋友都唔會玩公園gala。

TOP

本帖最後由 Dog2006 於 2018-4-3 11:37 編輯

我是支持 KFC 的反對公園下面起停車場。其實個topic 的 title 已講明中央公園增設地下停車場,所以都是focus反對公園下面起停車場,我想 KFC ching 並沒有反對增加將南車位。其實最好在政府合署起停車場,只要他們願意是可以開放公眾的。大會堂對出都有停車場開放給公眾的。
我覺得公園下面起停車場,停車場的廢氣都要排出公園地面,到時都係在公園自已吸返,所以我是反對公園下面起停車場。就算加唔加7年都一樣。而且我覺得你要政府拋出另一個C方案,有齊方案A & B的元素又唔駛加時,有點不設實際,如果係咁,就唔會有B方案的存在,同埋再講講下又可能有D方案、E方案沒完沒了,就好似立法會議事,有排都未輪到。

TOP

地下停車場引起污染, 塞車, 咪攪好過

快快起好淨公園, 方案A 最好

TOP

本帖最後由 Chatter 於 2018-4-3 15:49 編輯

回復 16# rayduancn

3A 時租訪客位唔多於20個。

TOP

回復 18# Dog2006


帶左頭盔先,我系好想盡快有好設計,配合到整個社區發展的公園架!

關於污染,依家所有將南樓宇都有1-2層停車場,咁樣都好污染,依家好多公園外圍都有道路,咁係咪不適合使用?我要指出系,關於污不污染,要有客觀標準,要講數據,一句話有地下停車場就空氣污染的話,好唔科學。

關於政府合處,問題系就算開放,可以開放多少?科學d講,請問幾多車位先足夠?個d規劃班人有d比例什麼的,但,都時入境處整好,咁依家個比例是否合適?令我想起地鐵d人用幾十年前1m2可以企多少人,而去計定班次,依家d人唔想咁逼,所有計算都錯左。

你話一定要方案A和方案B之間去選擇,真係唔可以有其他方案,諗其他方案不設實際?其實我覺得好可悲。我地要討論的是做什麼去令將南整個發展有益。如果你認為out focus, 其實大家根本無需討論,咁方案A啦,出個份問卷的人,都係想令人選方案A。

我唔係專業人士,反而希望有中立專業人士話我地知,其實,有沒有其他可能性,係咪真係要咁耐?

Anyway, 我都系希望討論唔好得一個方向,可能我地有更好選擇呢!

TOP

我明白你感到的絕望,但你要明白現實的殘酷及沒有完美。
之前方案A己經是10年前,再有新方案諮詢就會充滿變數,再頃過7年通常都走樣變調,到時出來未必是上公園下停車場。
以現今政府思維方式,既然可以想到填水塘起樓,分分鐘覓唔到地變成上公屋下停車場。
我雖然是68區不是66區,但我都想66區及68區有個連貫的中央公園,不想變成四不像。

TOP

回復 17# wantwings


     老实讲,政府卖地及发展商卖楼时已规划有一个中央大道及广场,现再周边物业已全部卖了,所有业主都相信有个美好居住环境!但现在好失望,好似被欺骗一样,要等一年都好难忍受,仲话七年,真系有人咁都可以接受吗?还说再规划会对将中居民长远有好处!唔好当全港市民白痴啦!

TOP

我肯定买将中的人,全因将中有地鈇,好快有中央公园,有海滨公园先买,而唔系要有车位!

TOP

回復 23# Kfc

唔使咁勞氣,定d嚟,方案A就方案A

TOP

唔劳气就假,不平则鸣!由期是天晋居民对住块孄地停车场咁多年,真系饭都食唔落!其实我系爱车之人,亦系海天晋业主,都未入伙又无车位,但我对今次事件觉得好离埗才发声!

TOP

請各位盡收將意見向業主委員會主席表達, 因為於四月九日西貢區議會舉行地區咨詢會, 但只邀請每個屋苑的業主委員會主席表達各居苑住户的意見及支持哪個方案。到四月十七日區議會將有特别會議決定最終選擇。

我們可以於四月十七曰旁聽各位區議員的取態, 是否真的為我們爭取公園。

TOP

海天晉並未成立業主委員會,所以只能靠各位街坊們努力爭取我們的公園回來

TOP

KFC ching 唔好咁勞氣,wantwings ching 都是表達他個人的意見,都應得到尊重。
明白整理方案A及B時明顯有傾向方案A,但這其實亦是大部份將南居民的心願。
講左十年的中央公園原訂今年2018動工到現在都可以叫停,再規劃等多7年其實都未必可動工,我對政府真係無乜信心。

TOP

KFC ching 唔好咁勞氣,wantwings ching 都是表達他個人的意見,都應得到尊重。
明白整理方案A及B時明顯有傾向方案A,但這其實亦是大部份將南居民的心願。
講左十年的中央公園原訂今年2018動工到現在都可以叫停,再規劃等多7年其實都未必可動工,我對政府真係無乜信心。

TOP

返回列表