返回列表 發帖
星期日早上已收樓,即時交回單位處理洗手間雲石崩花問題。崩花頗嚴重,最神奇,有兩條雲石根本已斷開兩節,照裝上去。另厨房水龍頭,當眼位已氧化,照裝。星期三下午有電話通知已妥當,通知我簽收回門匙。先上樓作簡單驗收,又遇然發現雪櫃門邊出現少許崩花,亦只能作45度打開,雪櫃冇反應,原來總制已被関上。原來雪櫃接觸點警報不停發響,最後我亦只能関上總制離開。最神奇,兩個雪櫃門多了兩隻凸出扶手,似乎有人換走發展商原先雪櫃門。最後,亦未能在樓下管理員處找到我單位門匙及簽收文件。今早會再與屋苑管理主管交涉,雪櫃不能用,電制関上亦令相關電源物品不能用。

TOP

剛才已接受發展商安排,再次交出單位,他們亦已自行檢視單位,定出維修項目,暫定需要10天左右⋯就默默多等待兩星期吧。總之,個中情節,曲折離奇,事情亦暫且安頓了。

TOP

所以,承建商,呢三個字,真係聽到都驚驚。佢第一次接觸,已好熱心咁話如發現乜嘢,唔使客氣同佢講,就算住落先發現,都可隨便開聲⋯就係咁,佢就一定永遠有工開,新地就要養佢地過世。相信班高層離哂地,都未必知道凡間乜玩法。

TOP

又過多8日,我撞咗上去,似乎俢理大致完成,單位已清理好,只有雪櫃門側版,花咗嘅位置唔同咗

TOP

講到裝窗簾,個單位又幾怪,窗頂天花係空心,師傅話似乎有夾板,比到佢落釘,穩固啲,但去到個廳,情況又有啲唔同,所以都想請教下。佢地上到嚟,個建築部大佬話,唔多肯定裡面架構,邊個位落釘先會穩固啲。不過就話,宜家好多,個廳都唔興裝窗簾啦。吓,咁益街坊,大家dead air 一刻,都忍唔住笑咗出嚟。算吧,師傅你執生,我就日後咪坐咁近窗簾。好彩個師傅有裝開天晉,3A都有裝,重識得問,知個問題係邊,知點處理安裝,不過大家就評估唔到日後效果喇。個大佬重話,乜你唔覺,你間屋個天花樓底特別高咩?吓,我真係唔知我個單位係屬於typical喎,我以為大家都唔係生得高啫。

TOP

可能呢行啲工人質素真係差啲。第一日維修,個屋苑管理主管陪我上去,見到現場都要有個foreman,攞住個file 監緊工。
買新地樓,都係貪佢口啤好,新樓可以唔使點大裝修。
以前買二手,要大裝修,都係撹到樓下,其中一次起哂全屋地板,先撹爆水箱,由地板浸哂落樓下成間屋。
所以修修補補,整到用到唔係咩安全問題,都收貨。
希望大家都能順利快啲收樓,開開心心,安居樂業。

TOP

回復 103# R_Lau


    我今日裝了。師傅鑽穿石膏版後,先放入一粒兩邊尾部會打開嘅膠塞,再將路軌以螺絲鑽入膠塞固定。亦有失敗咗兩個隆,因石膏版內有部份位置有鐵片,放唔入整個膠塞。師傅是在坑口站南x廣場1樓開舖,庭x。啲布質地幾好,佢話香港車工。不過就當然冇路邊個啲咁平。

TOP

花洒頭安裝唔啱位,Aexx 同 實x 吸盤賣,似乎幾啱用

TOP

電子門鎖換了,samxxxx 牌,銀色,可能花咗都會唔多覺。 代理PLx x業 買,連安裝,佢地啲期都幾full,唔到你揀。

TOP

返回列表